INEC ta sa ranar zaben Shugaban Kasa na 2023

A yanzu Najeriya tana da kimanin kwanaki 855 kafin babban zaben kasa na gaba.

Hukumar Zabe ta kasa mai zaman kanta INEC, ta sanar da ranar 18 ga watan Fabrairun 2023 a matsayin ranar zaben Shugaban Kasa da za a gudanar a shekarar 2023.

Shugaban Hukumar Farfesa Mahmood Yakubu ne ya sanar da hakan a ranar Alhamis, 15 ga watan Oktoban 2020.

• Ba mu yarda a nada hadimar Buhari kwamishinar zabe ba —Sanatoci
• Za mu ci gaba da rajistar masu zabe – INEC

Sanarwar Shugaban Hukumar ta zo ne yayin da ya ke gabatar da sakonsa na fatan alheri yayin rantsar da kwamitin riko na musamman da zai sake yin bita a kan kundin tsarin mulkin kasa na 1999.

A cewarsa, a yanzu Najeriya tana da kimanin kwanaki 855 kafin babban zaben kasa na gaba.