Kamfanonin jirage sun dakatar da ayyuka kan tsadar mai

Tsadar man ta sanya kamfanonin fitar da sanarwar dakatar da ayyukansu.

Matsalar karancin mai ta tilasta wa kamfanonin jiragen sama a Najeriya dakatar da ayyukansu.

Kamfanonin sufurin jiragen sama sun kara farashin tikitinsu a kwanakin baya.

• Tsohon dan kwallon Najeriya Justice Christopher ya rasu
• Rikicin Ukraine: Romaniya za ta bai wa ’yan Najeriya gurabun karatu

A ranar kamfanonin sun ce sun yi mamakin ganin karin farashin man jirgin sama, inda aka sayar da lita a kan Naira 607 a Kano.

Wannan ya nuna an kara fiye da Naira 100 cikin kwana guda.

Aminiya ta rawaito cewa wasu masu kamfanoni sufurin jiragen sama sun samu sanarwar daga dillalan man a ranar Talata cewa farashin man JetA1 ya karu zuwa Naira 597 a Legas, Naira 599 a Abuja da Fatakwal, da kuma Naira 607 a Kano.

A ranar Litinin an sayar da man a kan Naira 470 ne a Legas, a Kano kuma Naira 495.

Hakan ya janyo tsaiko ga tashin jiragen sama a manya da kananan filayen jirgin sama na Najeriya a ranar Laraba.

Yawancin kamfanonin sufurin jiragen saman sun fitar da sanarwar da ke bayana halin da su ka shiga tara da ba wa abokan fasinjojinsu hakuri.

Fasinjoji a filayen jiragen saman kasar nan sun shiga rusu kan rashin samun jiragen da za su yi jigilarsu.