Kannywood: Mahaifiyar Haruna Talle Maifata ta rasu
Za a yi jana’izarta a unguwar Mil Tara da ke Jihar Kano.
Allah Ya yi wa mahaifiyar jarumin fina-finan Kannywood, Haruna Talle Maifata rasuwa.
Jarumin ya wallafa sanarwar rasuwar mahaifiyar tasa a shafinsa na Instagram, a daren ranar Laraba, bayan ta yi gajeriyar rashin lafiya.
- An cafke masu safarar makamai zuwa Najeriya daga Nijar
- NAJERIYA A YAU: Yadda Likitoci Ke ‘Jawo Asarar Rayuka’
“Inna lillahi wa inna ilaihi rajiun, Allah Ya yi wa mahaifiyata rasuwa yau, za a yi jana’izarta a kofar gidanta da ke Kano Mil Tara,” kamar yadda ya wallafa.
Tuni jaruman Kannywood da sauran taurari kamar su Abba El-Mustapha, Madam Korede, Nazifi Asnanic, Hassan Giggis, Garzali Miko da sauransu suka fara yi masa masa ta’aziyya game da rashin mahaifiyar tasa.
A baya-bayan nan masana’antar ta sha fama da mutuwar jarumanta, kamar su Ahmed Aliyu Tage, Sani SK da sauransu.