Kira ga ’yan Najeriya

Ina kira ga ’yan uwna ’yan Najeriya mu guji kashe kanmu saboda siyasa. Tashe-tashen hankula sun zama ci gaban mai ginin rijiya. Ya kamata mu yi juyayin ’yan uwanmu da ake kashewa kullum, da wadanda suka rasa muhallinsu. Daga Isah Sani Mai Arsenal, garcon Alli, Jihar Jigawa 08062332784/08072556844. Haba JegaFarfesa Jega ka sani ko an […]

Ina kira ga ’yan uwna ’yan Najeriya mu guji kashe kanmu saboda siyasa. Tashe-tashen hankula sun zama ci gaban mai ginin rijiya. Ya kamata mu yi juyayin ’yan uwanmu da ake kashewa kullum, da wadanda suka rasa muhallinsu. Daga Isah Sani Mai Arsenal, garcon Alli, Jihar Jigawa 08062332784/08072556844.

Haba Jega
Farfesa Jega ka sani ko an dage zabe, ko ba a dage ba, in Allah Ya yarda Jonathan da PDP sai sun riga rana faduwa. Daga Abubakar Umar Kofa 08065746051.

Ga Jam’iyyar PDP
Edita ka isar mini da sakon jajena ga jam’iyyar PDP, musammman ma ganin yadda ta yi wa al’ummar Najeriya burgar cewa za ta yi shekara 60 tana mulki. Alamu sun nuna idan har aka kara mata wa’adi, ’yan Najeriya da kansu za su koreta. Allah Ya raba mu da ita lafiya, musamman ganin yadda suka wawushe kudin kasar, suka bari ana asarar dukiya da rayuka. Allah Ya yi mana muwafaka. Daga Abdullahi Fulatan, Rogo 08065192933.

Mu ceto kasarmu
Edita matukar muna son ceto kasar mu dole mu mallaki katin zabe. Jama’a a guji kwadayi, musamman wadanda ake ba su ’yan kudi kadan ko sabulu ko indomie don su yi zabe. Kuma ka damutum ya sayar da katinsa. Daga Maikudi Ibrahim Zeze, Hausa Layi, Legas. 08182839818.

Jaje ga Arewa maso gabas
Assalamu alaikum Aminiya, Ku isar min da jaje na ga al’ummar mu na Gombe da Yobe da Borno kan hare-haren da ‘yan ta’adda suka kaddamar na bama-bamai, muna addu’ar Allah ya jikan wadanda suka mutu, masu rauni ALLAH ya ba su lafiya, muna kuma fatan Allah ya kawo mana karshen wannan masifa, tare da dukkan masu tallafa wa wannan musifar, musamman masu kokarin kawo cikas ga zaben da muke so mu yi waje road da mulkin zalunci a kasar mu. Daga Usman Bin Affan, Damaturu.

Talakawa sun gaji
Editan Aminiya ana yi wa dimokuradiyya hawan kawarar a Najeriya, wajen tauye wa talakawa hakkin su, inda ake nuna musu karfin mulki da bakin bindiga, ba tare da wani bata lokaci ba. Kai wannan abu na ci wa talakawan Najeriya tuwo a kwarya, ganin yadda aka yi wa Hukumar Zabe matsin lamba, har sai da ta dage zabe, duk da yake ta ce ba matsa mata aka yi ba. Mu al’ummar Najeriya mun san ba ra’ayinku ba ne dage zabe. Ba mu ji dadin dage zaben ba. Daga Ummi Garba Nakwalo Ajaura, Jihar Jigawa 08038828613.

Sako ga Sarkin Kano
Aminiya, don Allah ku isar mun da murna ta ga Maimartaba Sarkin Kano, Malam Muhammad Sunusi II, bisa sandar mulki da aka mika masa a makonnin da suka gabata. Ina fata Allah ya taya shi rikon al’ummar sa, tare da yin godiya ga dukkan wadanda suke da hannu wajen ganin an gudanar da bikin lafiya. ina yaba wa maigirma Hakimin Dawakin Tofa, kuma Madakin Kano, Alhaji Yusif Nabahani, Cigari saboda jagoranci na adalci da yake yi ga al’ummarsa. Daga Malam Muktar Sa’idu, Dagacin Dawanau, karamar Hukumar Dawakin Tofa. [email protected] 08066950850.

Ga Sheikh Bn Usman
Salam. Editan Aminiya ku mika gaisuwata ga Babban Malamina Sheikh Muhammad Bin Uthman Kano limamin Masallacin Sahaba da ke Kundila cikin Birnin Kano. Daga Mudassir Ibrahim Mando Jahar Kaduna 08024122559.

Jinjina ga Kamfanin MTN
Salam. Edita ka mika mini sakona na jinina ga kamfanin MTN. gaskiya mun ji dadi da kuka yo mana katin Naira 10, saura Glo, saboda irinmu kananan kostomomi. Daga Fatima ’Yarlajawa 0812538490.

Haba Lado?
Salam Edita. Zuwa ga Ladon Alheri, wai kai da mazabarka ka kasa zuwa yakin neman zabe. ’Yan PDP sai a bi a sannu Daga Halifan ALheri, Mai Chelsea kofar Mata 08097595795.
Gaisuwa ga Aminiya
Gaisuwa gare ku. Ni mai karanta Aminiya ne. Allah Ya kare ku. Daga Sanusi Musa Police Gusau, Jihar Zamfara 08139005478.

‘Yan Najeriya mu dage
Assalamu alaikum. Aminiya. Ya ku ’yan Najeriya mu kara dagewa da addu’a, don ganin karshen wannan kisan kiyashin da ake yi wa al’umma a yankin Arewa maso gabas. Allah Ya samar mana mafita. Daga Nuraddeen Tankari Kangiwa 08058835250.

A daina sayar da katin zabe
Salam. Ina so in yi kira ga masu sayar da katin zabensu na dindindin (PbC). Don Allah su bar sayar da ’yancinsu. Domin shi ne babban makamin da mutum zai yi wa kansa garkuwa daga miyagun shugabanni. Allah ya kawo mana zaman lafiya. A yi hakuri a daina. Daga Ilyas Fahad Suleja 07086228845.

Ta’aziyyar Farfesa Falaki
Innalillahi wa inna ilaihir raji’un. Edita ka mika min ta’aziyya ga mutanen Kano bias ga rasuwar Farfesa Falaki. Daga Teemah Fagge 07034888424.

Ga NTA
Edita a tsawatar wa tashar NTA kan hotunan batanci da suke nuna wa kasarmu. A gaya musu jama’a sun gaji da miyagun da suka sanya su wannan aiki. Da yardar Allah a 2015, muna fatan samun sauyi mai amfani. Allah Ya yi wa Buhari jagora amin. Bslm. Hotoro.