Ko amsar da Jonathan ya ba Obasanjo ta gamsar?

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Ba ya da amsar bayarwa – Dokta Adamu Dabo
Dokta Adamu Dabo: “Babu wani tasiri cikin wannan wasika tasa, mu rokon Allah muke ya kawo mana sauyi na alheri, ba sauyi dole ba saboda dole sai Allah. Su shugabannin Najeriya irin su Goodluck Jonathan ke ganin sai sun ci gaba da mulki dole amma mu yanzu fatarmu shi ne jam’iyyar APC ta kafa gwamnati domin a magance matsalolin da PDP ta haifar a kasar nan. Don haka muke kiran mutane su fita su yi rijistar sunayensu kowa kuma ya adana kuri’arsa domin sauya wadannan mutane. Don haka ba shi da wata amsa da zai bayar saboda yadda ya lalata kasar nan cin hanci da rashin tsaro da talauci suka addabi jama’a.”