Ko amsar da Jonathan ya ba Obasanjo ta gamsar? 1

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Amsar Jonathan ba za ta gamsar ba – Muhammad Muhammad
Muhammad A. Muhammad: “Wasikar Goodluck ba zata gamsar da kowa ba a Najeriya saboda dukkan zargin da aka yi masa a bayyane suke ba, wanda ba a aikata ba kuma ba abin da ake yi domin ganin an magance gaba. Don haka fatarmu mutane su rika bin doka, su gudanar da harkokin siyasa yadda ya dace. Kowa ya fito ya tsaida gaskiya, ya rike amana domin ganin an fito da kasar nan daga cikin mawuyacin halin matsalar tsaro da tabarbarewar arzikin kasa da cin hanci da rashawa da suka yi wa kasar katutu. Amma duk irin amsar da zai bayar ya yi ne kurum saboda idanun jama’a na kansa, don ganin me zai fada ya kare kansa; shi ya sa ya motsa domin ya fi labewa amma ba wata niyya ko hanzarin ganin an inganta rayuwar talaka ko an gyara zaman kasa a maganarsa. Don haka kowa ya himmatu a samu sauyi, a kawar da su.”