Ko amsar da Jonathan ya ba Obasanjo ta gamsar? 2

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Amsar wasikar tambele ne kawai
– Salisu Abubakar
Muhammad Salisu Abubakar: “Amsar da Jonathan ya bayar kan want ton wasikar da Obasanjo ya rubuta masa, ya yi tambelansa ne kawai. Domin an wayi gari Gwamnatin Jonathan tana nuna kabilanci a sarari, ta daure wa cin hanci gindi kuma ba a taba samun gwamnatin da aka kashe rayukan al’ummar Najeriya kamar a wannan zamani na Jonathan ba, kamar yada Obasanjo ya rubuta a cikin wasikar. Don haka wannan amsa ba ta gamsar ba, ya yi bundun-bundunsa ne kawai,
don haka ba mu gamsu da wannan amsa da ya bayar ba.”