Ko amsar da Jonathan ya ba Obasanjo ta gamsar? 3

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Amsar wasikar ba ta gamsar ba
– Dokta Baninge
Dokta Ibrahim Baninge: “Amsar wasikar da Shugaban kasa Goodluck Jonathan ya rubuta wa tsohon Shugaban kasa Cif Olusegun Obasanjo kan wasikar da ya rubuta masa ba ta gamsar ba. Domin a fahimtata, ba wasu miyagun maganganu Obasanjo ya rubuta wa Jonathan ba.
A ganina, ya tunatar da shi ne kan abubuwan da ya ji da kuma abubuwan da ya gane wa idonsa ne. Abin da ya kamata Jonathan ya yi kan wannan wasika shi ne, ya gyara kura-kuren da Obasanjo ya rubuta masa a cikin wasikar, ba wai ya tsaya yana sukar sa ba. A cikin amsar da Jonathan ya rubuta, babu inda ya goge abubuwan da
Obasanjo ya rubuta masa, don haka wannan ba daidai ba ne. Abin da ya kamata Jonathan ya yi shi ne, ya tsaya ya yi nazarin abubuwan da Obasanjo ya rubuta masa ya gyara kura-kuren da ake maganar yana aikatawa.”