Ko amsar da Jonathan ya ba Obasanjo ta gamsar? 4

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Amsar kame-kame ce – Mamman Inuwa
Mammam Inuwa Tela: “Wannan wasikar ta Obasanjo ta yi daidai, domin ni a nawa ra’ayin ’yan Najeriya na jiran irin wannan bayanin daga bakin dattawan kasar nan, wadanda suka san kasar kuma suka san abin da mulkin kasar ke ciki. Ni ba na tsammani akwai wani batanci ciki, domin shawarwari ne ya bayar. kila sai dai a ce bai kamata a fito da wadannan shawarwari har mu talakawa mu sani ba amma kuma wannan ai ba laifi ba ne, domin an fada mana wasu daga cikin matsalolin da ke addabar mu. Kuma kar manta cewa shi wannan shugaba Obasanjo, shi ne ya kawo mana shi Shugaba Jonathan kuma ai a wasikar ya ce ya sha ba shi shawarwari ba ya dauka, don haka don ya fito da wannan wasikar fili ai ba laifi ba ne; ya fita hakkinsa kuma ya fita hakkinmu, mu ’yan Najeriya.