Ko amsar da Jonathan ya ba Obasanjo ta gamsar? 5

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin […]

A sakamakon wasikar da tsohon Shugaban kasa Janar Obasanjo ya rubuta wa Shugaba Jonathan, shi ma shugaban mai ci a yanzu ya maida martani a tasa wasikar. Abin tambaya a nan shi ne, shin ko amsar da shi Jonathan ya ba Obasanjo ta gamsar ko kuwa? Wakilanmu sun tattauna da mutane daban-daban kuma ga abin da suke cewa:

Wasikar ihu bayan hari ce – Isah Maisurfe
Alhaji Isah Maisurfe: “Wannan wasikar ta yi daidai,  domin kuwa mutane irin su tsohon Shugaban kasa  Obasanjon ne kadai za su iya rubuta wannan wasiwar, domi yana daya daga cikin wadanda suka san matsalolin kasar kuma suka san mene ne za a yi domin shawo kan matsalolin. Ina cikin ’yan Najeriyar da Obasanjo ya fada wa gwamnati zuciyarsu kuma batun amsar da Shugaba Jonathan ya ba shi kuwa, ihu bayan ce, domin Chif Obasanjo ya riga ya fasa kwai. Da ma Shugaba Jonathan yana da masu ba shi shawara nagari, da ba su yarda ya ba da want ton amsar ba, domin wannan amsar ta kara fito da rauninsa fili ne ga ’yan Najeriya. Wani abu da kila bai sani ba kuma na kange da shi ba za su fada masa ba shi ne, ’yan Najeriya sun kagara da mulkinsa. Don haka duk wani abu da aka ce na batanci game da gwamnatinsa, mutane abin da za su duba ke nan, domin dai alamu sun nuna fili cewa bai iya mulkin wannan kasar.”