Ko Jihar Katsina za ta fara ciwo bashi ne?

Kwanakin baya ne ’yan majalisar  dokokin Jihar  Katsina.suka  amince wa Shugaban  Majalisar Alhaji Aliyu  Sabi’u Muduru damar  ya yi amfani  da Naira  milyan 50.wajen yi wa gidansa  da na mataimakinsa  kwaskwarima.kafin tafiyar  tsohuwar  Gwamnati  ta Shema.ta yi  wa  wadannnan  gidajen  gyaran fuska, amma  da yake  wannan sabuwar  gwamnati  ce, sai  suka  bukaci.a  sake gyaran da  […]

Kwanakin baya ne ’yan majalisar  dokokin Jihar  Katsina.suka  amince wa Shugaban  Majalisar Alhaji Aliyu  Sabi’u Muduru damar  ya yi amfani  da Naira  milyan 50.wajen yi wa gidansa  da na mataimakinsa  kwaskwarima.kafin tafiyar  tsohuwar  Gwamnati  ta Shema.ta yi  wa  wadannnan  gidajen  gyaran fuska, amma  da yake  wannan sabuwar  gwamnati  ce, sai  suka  bukaci.a  sake gyaran da  suka iske.
An bi  duk  wata  doka ta  amincewa  da  kudin wannan aikin,.inda aka gabatar da bukatar  aka tattauna, aka kuma amince.  Kuma  yan majalisar suka  sa hannu kamar  yadda  doka  ta tanada.sannan  aka  fitar da kudin aikin.Naira  milyan 50 na yi wa gidajen  biyu kwaskwarima.  Bayan  wannan zama ne. na amincewa da wannan kudi.sai  majalisar ta tafi hutu, inda  shugaban ya yi  tafiya  zuwa  kasashen  ketare. Don ya wartsake  daga  gajiyar da ke  bi masa jiki, .shugaban  majalisar  ya yi balaguro  sosai kafin  ya  dawo.
Aikin  farko  da  majalisar  ta  fara  yi, bayan  dawowarta shi ne.tattaunawa  akan neman  amincewar  da  Gwamnan  Katsina  ya rubuto na  zai karbo wani bashi  daga wajen  Babban Bankin kasa  don raba wa  jama’a su  karfafa  kasuwancinsu.
Bashi ne, na  sama  da Naira  dubu biyu,  wanda  yana  da ruwa  kuma yana  da  ka’ida da lokacin mayar da shi. daya  daga  cikin    kaidarsa  shine.  Gwamnatin  jiha  ce,  za ta  zama  abin dogaro (guarantor).na  amsar shi,. kuma  in har  aka  samu matsala  na rashin biya Babban  Bankin kasa , zai iya  rike  kudin jihar har sai  ta biya, ko kuma  a yi tsarin  da  zai zame  kudinsa kai  tsaye.
An  ce, ruwan da  ke  tattare  da  bashinyana da  dan kauri.  ‘Yan majalisar  sun bi  duk  doka  wadda  ta  ba su  damar  bin ka’ida  kafin su  amince. Kuma  suka bi  daki –daki,  sannan  suka  bai wa gwamnan amincewrsu  na ciwo  wannan  bashi. Yanzu  gwamnatin jihar na da  cikakkar  doka  na amso  wannan  bashi  daga  Babban Bankin  Najeriya [CBN].
Wannan  shi ne  Bashi  mafi  girma  da jihar za  ta  taba ciwowa  a tarihin kafuwar tun daga 1987  zuwa  yanzu.kuma  shi ne  bashin farko da  jihar za  ta ciwo  tun da  aka  dawo  mulkin farar  hula.Umaru Musa  bai ciwo wa  jihar  bashi ba. [Allah ya  jikansa],  Shema ma  ya yi  ikirarin, amma bai ciwo bashi ba. Wannan  gwamnatin  kafin ta kwana 100  ta fara  neman  iznin  ciwo bashi  daga  majalisar  dokoki.
Abin  la‘akari  da su  a  lamarin shine, na farko  ba a nemi shawarar  jama’a ba don  ciwo  wannan bashin. Wasu  jihohi  idan za s yiu  irin  wannan sai  sun nemi  ra’ayin wadanda  suka zabe su? Tunda da sunan  jihar  za a ciwo,  kuma kudin jihar  za a  fitar  a  biya, me yasa  wannnan  ba a yi haka  ba?  Hatta  zamanin soja ana  neman ra’ayin jama’a.kafin  a ciwo  bashi, Janar  Babangida  da  zai karbo bashin Hukumar Lamuni ta Duniya (IMF)  ya  nemi jin  ra’ayin  jama’a. me yasa  ba a yi haka ba?
Na biyu, me kuma yasa  ba  a wayar  da  kan jama a ba. akan  wannan bashin  da  za  a ciwo  musu? Labarin kawai  suka ji  a  kafofin watsa  labaran jiha. Za a  ciwo bashi.  Me yasa? Ya akayi? Ba wanda ya sani. Me  yasa  haka?
Na uku, ance  raba wa  ’yan kasuwa  za a yi  wane. ka’ida  za a bi don a yi  adalcin  wajen ganin cewa  kudin  sun isa  inda ya dace? Ya za  kafa  kwamitocin  da  za su  rabar  da su? Su  za su  zama  membobin kwamitocin?  Domin akwai  rade –radin za a raba wa wasu  masu uwa a
gindin murhu  ne,  kuma  gwamnati ta biya musu. Ana  cewa  wasu  ne za su  ci  bulus, da  gumin ’yan jihar baki  daya.
Lamari na  hudu, shi ne, me yasa ma gwamnatin ta ciwo bashin?  ’Yan jihar na  bin duk kudin  da ake baiwa  jihar a wata  kamar yadda  ake  bugawa  a jaridu. Wanda a  watan  da  ya  gabata.  na Yuli.  Jihar  ta  karbi  sama  da  Naira  biliyan   14.
Ga  kudin  da  aka  raba wa  jahohi, ba  wanda  ya san  nawa aka bai wa Katsina, .ga  kudin da  aka tarar  a  asusun ajiya  daban-daban  na jihar,  wanda  tsohuwar  gwamnati ta bari; .me  zai  sa ba  za a  ciro daga ajiyar  ba;  sai a ciwo  alhali yana da da ruwa mai kima?
Abu  na  biyar, tunda  har  ana tsammanin za a kwato  kudi  daga hannun  tsohon Gwamna  Shema .me  zai  sa  ba za a jira  sai an karbo  ba, sannan  a raba wa  ’yan kasuwa  maimakon a yi gaggawar ciwo  bashi.?
Bashin  nan , ba a kai  ga amso  shi ba .izni  kawai  aka nema  a wajen majalisa. Kuma  ta bayar  da  wannan ikon. Abin  da ya kamata  kafin akai  ga  karbowa  a yi wa  jama’a  duk bayanin da  ya dace,  a kuma  nemi izninsu. kafin  a  ciwo  musu  albasa  a  bakinsu.
Danjuma Katsina. Dan jarida ne.mazaunin Katsina.  08035904408  email. [email protected].