Ko Shugaba Jonathan zai iya wadata kasar nan da lantarki a bana?1

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

Wannan romon baka ne kawai – Muntaka Sabo

Muntaka Sabo Isa Kano: “Wannan alkawari da Jonathan ya yi na wadata kasar nan da wutar lantarki, ba komai ba ne illa romon baka kawai, saboda ya dade yana alkawari ba ya cikawa. Ya yi wannan alkawari ne saboda yana so a sake zabensa a sabon zaben da zai zo. Ba zai iya ba, domin ya boye lauje ne a cikin nadi a wannan maganar.”