Ko Shugaba Jonathan zai iya wadata kasar nan da lantarki a bana?2

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

Jonathan ya gaza a baya, yanzu ma zai gaza –Abdulkarim Allanana (Oscar)

Alhaji Abdulkarim Allahnana (Oscar), dan takarar shugabancin karamar Hukumar Keana, Jihar Nasarawa: “Duk wanda ya yi maka alkawari a jiya bai iya cikawa ba, yaushe idan ya sake yi maka wani a yau za ka yi tsammanin zai iya cikawa a gobe? Wannan alkawarin da Jonathan ya yi, ba zai iya cika shi ba, domin kuwa babu inda ya taba cika wani alkawari. Kowa ya shaida, tun da ya hau mulki yake yin alkawura amma bai taba cikawa ba.