Ko Shugaba Jonathan zai iya wadata kasar nan da lantarki a bana?3

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

A da bai iya ba, yanzu ma ba zai iya ba – Sani Muhammad

Sani Muhammad kaura: “Magana ta gaskiya Shugaban kasa ba zai iya ba, domin ba tun yau ba Jonathan yake alkawari ba ya cikawa. Daga cikin alkawari goma idan ya yi, da kyar ma in an samu ya cika biyar, domin kuwa a bara ma ya yi alkawari irin wannan bai cika ba.”