Ko Shugaba Jonathan zai iya wadata kasar nan da lantarki a bana?4

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

Alkawarin Jonathan abin dariya ne – Alhassan Suleiman

Alhaji Alhassan Suleiman: “Wannan abin dariya ne wai yara sun tsinci hakori. Kuma kamar yadda ka sani, abin da jiya ba ta yi ba, yau ba za ta iya yi ba. Shugaba Goodluck dai ya kusa shekara 4 yana shugabancin kasar nan bai iya yin komai ba sai a ’yan kwanaki kalilan da suka rage masa ya kwashe nasa ya kara gaba? Ka ga haka ba za ta yiwu ba. Saboda haka magana ce kawai wadda ’yan Najeriya sun dade suna jin ta. Kuma ba a taba yin matsiyaciyar gwamnati a kasar nan wacce take facaka da kudin jama’a kamar ta Jonathan ba.