Ko Shugaba Jonathan zai iya wadata kasar nan da lantarki a bana?5

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

Jonathan zai iya cika alkari a bana – Yunana Iliya

Yunana Iliya: “Ni dai a gani na Shugaban kasa Goodluck Jonathan zai iya cika alkawarinsa na inganta bangaren wutar lantarki a kasar nan kamar yadda ya sanar a jawabinsa na kasafin kudin bana, domin idan ka lura yana kokari sosai a wannan bangaren. Kuma kamar yadda ka sani, kasar nan yau ta samu ci gaba sosai a bangaren wutar lantarki, a karkashin Gwamnatin Goodluck Jonathan. Saboda haka a gani na, babu ja a nan wai don Jonathan ya ce zai inganta wutar lantarki a kasar nan; don ya yi mun gani kuma yana so ne ya ci gaba da haka. Ka ji gaskiyar lamarin, ba maganar siyasa ya yi ba, ya bayyana abin da zai yi ne kuma zai yi.”