Ko Shugaba Jonathan zai iya wadata kasar nan da lantarki a bana?6

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? […]

A kasafin kudin bana ne Shugaba Goodluck Jonathan ya dauki alwashin cewa nan da zuwa watan Yuni na bana, zai wadata kasar nan da wutar lantarki. Abin tambaya a nan shi ne, idan aka yi la’akari da alkawuran da ya taba yi a baya game da lantarkin, ko a wannan karon zai iya cika alkawari? Wakilanmu sun tattauna da mutane daban-daban a kan batun kuma ga abin da suke cewa:

 

Batun nasa siyasa ce – Rabi’u Yahaya

Rabi’u Yahaya: “Gaskiya ba na ganin Shugaban kasa Jonathaan zai iya cika wannan alkawari da ya dauka, kasancewar an dade ana ruwa kasa na shanyewa. Gwamnatoci da suka zo kafin shi sun yi irin wadannan alkawurra amma abin ya zama kanzon kurege. Ina daukar wanann magana tasa a matsayin siyasa ba wani abu ba. Kin san yana neman tsayawa takara a zabe mai zuwa, shi ya sa yake wannan alkawarin da ba zai iya cikawa ba.”