Ko ya dace a rika rushe gidajen da ake zargin akwai ’yan Boko Haram a ciki?3

Hukumomin tsaro a Najeriya sun dauki wata sara, inda suke rushe duk wani gida da ake zargin akwai ’yan Boko Haram a ciki, koda kuwa na haya ne. Abin tambaya a nan shi ne, ko ya dace a rika yin haka? Wakilanmu sun tattauna da jama’a daban-daban, ga kuma ra’ayoyinsu kamar haka: Babu laifi a […]

Hukumomin tsaro a Najeriya sun dauki wata sara, inda suke rushe duk wani gida da ake zargin akwai ’yan Boko Haram a ciki, koda kuwa na haya ne. Abin tambaya a nan shi ne, ko ya dace a rika yin haka? Wakilanmu sun tattauna da jama’a daban-daban, ga kuma ra’ayoyinsu kamar haka:

Babu laifi a rushe idan har…
– Muhammad Zanna Jibrin
Malam Muhammad Zanna Jibrin: “A ra’ayina, in har rushewar za ta haifar da da mai ido babu laifi. To amma in har da wata manufa cikin rushe gidajen da ake yi na mutanen da ake kyautata zaton ’yan Boko Haram ne, to sai mu ce Allah Ya sauwake. Don haka rushe gidajen da ake yi, Allah (SWT) Ya sa ana yi ne da manufa tagari, ba manufar cutar da wasu ba. Don haka akwai bukatar yin taka-tsan-tsan a ciki.”