Ko za a iya magance Boko Haram a makonni shida? 4

Kowa dai a yau ya san labarin an dage zabe zuwa makonni shida masu zuwa, bisa dalilin cewa jami’an tsaro za su tunkari ’yan Boko Haram domin kawar da su gaba daya. Abin tambaya a nan, shin ko za a iya magance matsalar ta Boko Haram cikin makonni shida masu zuwa? Ga abin da mutane […]

Kowa dai a yau ya san labarin an dage zabe zuwa makonni shida masu

zuwa, bisa dalilin cewa jami’an tsaro za su tunkari ’yan Boko Haram

domin kawar da su gaba daya. Abin tambaya a nan, shin ko za a iya

magance matsalar ta Boko Haram cikin makonni shida masu zuwa? Ga abin

da mutane suka ce, kamar yadda wakilanmu suka kalato mana:]

Za a iya magancewa a mako shida – Salisu Muhammad
Injiniya Salisu Muhammad Gombe: “Ina ganin za a iya magance matsalar

Boko Haram a cikin makonnin shida idan gwamnati ta so kuma idan ya

zama da gaske take yi. Ya za a yi a ce karamar kasa kamar Chadi ta

iya fatattakar ’yan Boko Haram cikin kwanaki biyu amma a ce sun

gagari Najeriya? Wannan ba gaskiya ba ne. Muddin gwamnati ta so

gamawa da mayakan nan kamar yadda ta fada cikin wadannan makonni

shida za ta iya ganin bayansu domin gwamnati ce babu kuma abin da ya

fi karfin gwamnati. Mu dau misali da lokacin mulkin Soja na marigayi

Janar Sani Abacha, inda ya taba gaya wa ’yan Najeriya cewa muddin

yaki ya wuce kwanaki biyu ana yin sa to akwai hannun gwamnati; muddin

ba hannunta kuma a ciki za ta iya kawo karshensa cikin sa’o’i 48. Ka

ga yanzu tunda gwamnati ta ce zata kawo karshensa cikin kankanin

lokaci sai a yi fatan hakan.”