Kotu ta hana CBN riƙe kuɗin ƙananan hukumomin Kano

Kotu ta hana Gwamnatin Tarayya da Bankin CBN riƙewa ko yin katsalandan kan kuɗaɗen ƙananan hukumomin Kano na wata-wata daga asusun Tarayya

Babbar Kotun Jihar ta hana Babban Bankin Nijeriya (CBN) da Gwmanatin Tarayya riƙe kuɗaɗen ƙananan hukumomin jihar 44 na wata-wata.

Kotun ta bayar da umarnin wucin gadin ne ga Gwamantin Tarayya da hukumominda ma’aikatunta, bayan ƙarar da Ƙungiyar Ma’aikatan Ƙananan Hukumomi ta Nijeriya (NULGE) da wasu masu kishin Jihar Kano.

Alƙalin kotun, Mai Shari’a Ibrahim Musa Muhammad, ya ba da umarnin ne ga CBN da Hukumar Rabon Kudaden Shiga na Kasa da Kuma Akanta-Janar na Tarayya kan tabawa, rikewa ko jinkirin sakin kudaden kananan hukumomin na jihar Kano.

Ya ba da umarnin ne kan karar da masu karar suka nuna damuwa cewa game da yiwuwar rikewa ko jinkirin kudaden kananan hukumomin ko wani bangaren kudaden.

• Babban Hafsan Sojin Ƙasa na Nijeriya, Lagbaja ya rasu
• Nasarar Trump ta karya tarihin shekara 200

Alkalin ya kuma umarci hukukumomin gwamantin da wakilansu da kada su kuskura su yi duk wani nau’in katsalandan kan kudaden kananan hukumomin.

Daga nan ya dage zaman zuw ranar 21 ga watan nan na Nuwamba, 2024.