Kotu ta soke nasarar Gwamna Abdullahi Sule na Nasarawa
Bayanai sun ce biyu daga cikin alkalan uku ne suka soke nasarar Gwamna Abdullahi.
Gwamna A.A Sule
Kotun Sauraron Kararrakin Zabe a birnin Lafia ta soke nasarar Gwamna Abdullahi Sule na Jihar Nasarawa.
Kotun wadda alkalai uku karkashin jagorancin Mai Shari’a Ezekiel Ajayi suka yanke hukunci, ta umarci Hukumar Zabe ta Kasa INEC da ta janye shaidar lashe zabe da ta bai wa Gwamnan.
- Shehun malamin likitanci Farfesa Umaru Shehu ya rasu
- Kotunan gaba ne kawai za su magance shari’u masu karo da juna na Filato —Barista Lawal Ishaq
Bayanai sun ce biyu daga cikin alkalan uku ne suka soke nasarar Gwamna Abdullahi.
Wakilinmu ya ruwaito cewa, kotun ta kuma ayyana dan takarar jam’iyyar PDP, David Ombugadu a matsayin wanda ya yi nasara a zaben.
Ana iya tuna cewa, a sakamakon da INEC, ta ce Gwamna Sule na jam’iyyar APC ya samu kuri’u 347,209 yayin da abokin takararsa, Mista Ombugadu ya samu kuri’u 283,016.