Kotu ta tura tsohon ministan lantarki zuwa gidan yari
Saleh Mamman ya kasance ministan lantarki a zamanin mulkin tsohon shugaban kasa Muhammadu Buhari.
Babbar Kotun Tarayya da ke Abuja ta tsare tsohon ministan wutar lantarki, Injiniya Saleh Mamman, a gidan yari.
Kotun ta tsare tsohon ministan lantarkin a Gidan Yarin Kuje ne a ci gaba da shari’ar zargin sa da satar Naira biliyan 33.
Saleh Mamman ya kasance ministan lantarki a zamanin mulkin tsohon shugaban kasa Muhammadu Buhari.
Mai Shari’a James Omotosho ne ya ba da da umarnin a ranar Alhamis bayan Hukumar Yaki da Masu Karya Tattalin Arzikin Kasa (EFCC) ta gurfanar da Inkiya Saleh Mamman kan tuhume-tuhume 12 kasu alaka da kudaden haram.
- Muna kan bakarmu kan mafi ƙarancin albashin ma’aikata — NLC
- Zargin N33bn: Tsohon ministan lantarkin Buhari ya sume a kotu
Dai sai tsohon ministan ya musanta aikata laifukan.
Daga bisani ne lauya EFCC, Olumide Fusika (SAN) ya bukaci kotun ta sa musu ranar gurfanarwa da ba da hujjoji a shari’ar.
Amma lauyan tsohon ministan, Femi Ate (SAN) ya shaida masa cewa ya gabatar da bukatar Bello kafin fara zaman kotun a ranar.
Duk da cewa alkalin ya tabbatar da samun takardar da misalin karfe 12:30 na rana, amma ya ce ba riga an shigar cikin kundin bayanan kotu ba.
A nasa bangaren, Ate ya roki kotun ta ba shi dama a ranar Juma’a domin yin suka kan rokon bangaren da ake kara.
Lauyan tsohon ministan bai ƙalubalanci bukatar ba.
Daga nan kotun ta dage sauraron shari’ar zuwa ranar Juma’a.