kungiyar NLC ki kawo dauki Bauchi

Assalamu Alaikum  Editan Aminiya, ina so ku ba ni dama na yi Allah wadai da matakin da Gwamnan JiharBauchi, Malam Isa Yuguda, ya dauka na korar Shugaban kungiyar Malaman Makaratun Sakandare na Jihar Bauchi, wato Comrade Abdullahi Tanko Ningi, (OLANDO)  daga  aiki. Yanzu haka Gwamna Isa Yuguda,  ya sa aka yi wa shugaban ritayar dole, […]

Assalamu Alaikum  Editan Aminiya, ina so ku ba ni dama na yi Allah wadai da matakin da Gwamnan Jihar
Bauchi, Malam Isa Yuguda, ya dauka na korar Shugaban kungiyar Malaman Makaratun Sakandare na Jihar Bauchi, wato Comrade Abdullahi Tanko Ningi, (OLANDO)  daga  aiki. Yanzu haka Gwamna Isa Yuguda,  ya sa aka yi wa shugaban ritayar dole, ba tare da wata hujja ko dalili ba. kungiya kwadago ta NLC  ta kawo daukin gaggawa ga malaman  Jihar Bauchi. Daga Amadu Manager,  Unguwar Karofin Madaki. 08065189242.

Sakonnin waya

Addu’a ga Jafaru Isa
Ina fatan Allah Ya sa Jafaru Isa, wanda ya taba yin Gwamnan Jihar Kaduna, ya zama Gwmanan Jihar Kano. Domin ya kamanta gaskiya a zamanin mulkin soja, musamman ya fito da tsarin rage farashin kayan masarufi na KADA PAYLESS. Wannan shi ne dalilin da ya sa talakawa za su yi masa kokarin zama gwamna. Allah Ka tabbatar mana da Jafaru Isa a matsayin gwamna. Daga 07053539334.

A dubi Wukari
Gaskiya dole a zargi gwamnati kan kisan gillar da ake yi wa al’ummar Musulmi a Wukari. A ranar Litinin din da ta gabata, sojoji sun yi ta kashe al’umma, suna kona masallatai da makarantu; yau ba sauran masallaci da makaranta. Muna yin sallah ne tare da wasu ’yan tsirarun jami’an tsaro. Daga 07034560742.

Ga jam’iyyar APC
Zaben shugabannin APC, Allah Ya sa haka shi ne mafi alheri. Don haka nike kira ga shugabannin Arewacin kasar nan su hada kai don ceto kasar nan daga mulkin kare dangi. Daga Yunusa Saleh Fago, Daura, Jihar Katsina 07036880005.

Ga al’ummar Barno
Salam. Gaisuwa da yaba wa makarantan Aminiya. Ina son amfani da wannan damar don kira ga mutanen Barno, da su daina cewa Boko Haram ’ya’yansu ne. Ku yi amfani da hankali wajen duba abin da ke faruwa, Daga Hafsat Usman Bauchi 08109967691.

Laifin me na yi?
Edita laifin me na yi, sati uku ke nan ina turo sako ba a bugawa? Daga Ibrahim Sabo Iran 08052463475.

Jafaru Isa na Kanawa
Editan Aminiya, don Allah ka sanar da talakawan Jihar Kano, cewa Lawal Jafaru Isa shi ne nasu, matukar suna son fita daga wahala da kangin masu watsi da kudi, don su yi wa al’umma danniya da murdiya. Allah Ya tabbatar mana da alherinSa. Daga Ahmad Tiga 08068643445.

Ga Sarkin Kano Sanusi II
Ina yi wa Mai martaba Sarkin Kano, Alhaji Sunusi Lamido Sanusi murnar samun sarautar sarkin Kano. Allah Ya ba ka ikon tafiyar da mulki lafiya 08054489213.

Ga Sarkin Kano
Sakon murna ga sabon sarki. Allah Ya taya riko, Ya ja zamaninka. Allah Ya kare mana kai daga sharrin makiya. Amin sum amin. Daga Ibrahim Garba Darki 08034217830.

Allah Ya saka min
Ina wa Editan Aminiya Allah Ya isa. Kodayaushe babu Juma’ar da ban saye, amma in na aiko tes ba a sawa. Allah Ya saka min. Allah Ya isa. Daga 08178009015.

Ta’aziyya da murna ga Kanawa
Don Allah Edita ka ba ni dama in isar da sakon gaisuwa ga Sarkin Kano. Sabon sarki kuwa muna yi masa murna. Allah Ya kareka, Ya taya kai riko. Daga Rahamat Ubandoma, Minna. 07014126243.

Hakkin iyaye ga ’ya’ya
Aminiya ki ba ni dama in jawo hankalin iyayenmu, su daina nuna bambanci a tsakanin ’ya’yansu. Su sani kamar yadda suke da hakki a kanmu, mu ma muna da hakki a kansu. Ina yin ta’aziyya ga masarautar Kano, Allah Ya jika Alhaji Ado Bayero, wanda ya gaje shi, Allah Ya taya shi riko. Daga Nuraddeen Ismail Gusau, Jihar Zamfara 07052080763.

Ga Giwar danmaje
Edita ka ba ni filin murna da ta’aziyya ga baiwar Allah, Gimbiya Sa’adiyya Ado Bayero. Allah Ya jikan San Kano, Dattijo Ado Bayero. Allah Ya ja zamanin San Kano, Shehun Malami Lamido Sanusi. Ranka Ya dade, Allah Ya taimaki Sarki Zaben Allah Baba buri ya cika, mai kasar Kano da Kanawa. Allah Ya yi jagora. Amin. Daga Amiru Isah Bakori 07068147933.

Murna ga Shekarau
Ina mika gaisuwar taya murna ga Mai girma Malam ga mukamin minista. Allah Ya taya riko. Amin. Daga Auwalu Shu’aibu dandalama 08107406231.

Ta’ziyyar San Kano
Salam Edita. Don Allah ina so ka isar min da sakon ta’aziyyar Mai martaba Alhaji Ado Bayero da kuma taya murna ga Mai amrtaba Sanusi Lamido Sanusi. Daga Isa Sarki KD 07039057451.

Ga Sayyida Fatima
Salam Edita ina mika gaisuwata ga daukacin ma’aikatanku tare da Aminiyar Aminiya, ruhina Sayyida Fatima. Daga Abba Edcess. 08168696606.

Ga masu Fiya water da Burodi
Edita ka mika sakona ga masu kamfanin fiyo water da burodi, don bai kamata su rika zabo sunayen mata masu gima a addini suna sanya wa burodi ko fiyo water. A batu na gaskiya wannan na nuna kaskanci. Daga Zaransa dorayi, Kano 07062447413.

Zaki baban namun daji
Salam. Aminiya don Allah ku mika min gaisuwar taya murna ga sabon Sarkin Kano; an buga da kai, an barka; zaki baban namun daji. Daga Isma’il Ibrahim. 07037877646.

Ga Gwamnan Katsina
Edita ka ba ni dama in yi tambaya ga Mai girma Gwamnan Jihar Katsina, ko ya san da garin Daura da kewayenta na fuskantar wutar lantarki? Daga Malam Lawal Shehu 08064932628.