Kurunkus! Zidane ya bar Real Madrid

Zinadine Zinade ya ajiye aiki a matsayin mai horas da Real Madrid.

Mai horas da ’yan wasan kungiyar kwallon kafa ta Real Madrid, Zinadine Zidane, ya ajiye aikinsa nan take.

Real Madrid da ke kasar Spain ta sanar da hakan ne a ranar Alhamis, kwanaki kadan bayan kungiyar Atletico Madrid ta lallasa ta a gasar La Liga.

• Mata sun yi zanga-zangar neman a halasta karuwanci
• An ceto mutum 30 a hatsarin jirgin Kebbi

“Lokaci ya yi na a mutunta shawarar da ya yanke a kuma yaba masa bisa kwarewar gami da sadaukar da kai da kishi da ya nuna a tsawon shekaru,” inji sanarwar da ta wallafa a shafinta.

Ta ce “Zidane daya ne daga cikin wadanda suka kafa wa Real Madrid tarihi a matsayin dan wasa da kuma koci.”

Zidane dan kasar Faransa ya bar kungiyar wadda ta lashe gasannin kasashen Turai sau 13 ne a karshen kakar da ba ta kai ga nasara ba.