Liverpool ta lallasa Manchester United har gida
Manchester United na mataki na 13 a teburin gasar.
Ƙungiyar ƙwallon ƙafa ta Liverpool ta doke abokiyar hamayyarta, Manchester United har gida da ci uku da nema.
Wannan na zuwa ne bayan karawa da ƙungiyoyin biyu suka a gasar Firimiyar Ingila ta bana, a mako na uku.
- Yadda aka hana masu yi wa ƙasa hidima shiga sansanin NYSC a Kano
- Muna zargin ’yan gwangwan da satar wayoyin lantarki da janaretoci a Osun – ’Yan sanda
Manchester United ta yi rashin nasara a wasanni biyu daga cikin uku da ta buga bayan fara gasar Firimiyar ta bana.
A makon da ya gabata ƙungiyar ta yi rashin nasara da ci 2 da 1 a hannun Brithtom Hove & Albion.
Manchester United ta samu nasara ne a wasa ɗaya kaɗai, inda ta doke Fulham a wasan farko na gasar.
’Yan wasan gaban Liverpool, Luis Diaz da Mohamed Salah ne suka jefa wa ƙungiyar ƙwallon uku.
Yanzu haka Liverpool na mataki na biyu da maki tara a teburin gasar, yayin da Manchester United ke mataki ma 13 da maki 3.