Ma’aikata sun rufe tashoshin jirgin kasa, sun fara yajin aiki

Ma’aikata na neman karin albashi da kuma inganta yanayin aikinsu.

An rufe tashoshin jirgin kasa a fadin Najeriya bayan ma’aikatan Hukumar Sufurin Jiragen Kasa sun fara yajin aiki.

Tun a cikin dare kafin wayewar garin Alhamis ne ma’aikaran suka rufe tashoshin jiragen kasan domin fara yajin aikin da suka shirya na kwana uku.

• An ba wa Abale kyautar dalleliyar mota
• Mata 11,200 aka yi wa fyade a Najeriya a 2020 —Amnesty Int’l

Ma’aitan sun tsunduma yajin aikin gargadin ne domin neman a yi musu karin albashi da kuma inganta yanayin aikinsu.

A ranar Asabar, Ministan Sufurin Jiragen Kasa, Rotimi Amaechi, ya yi wata tattaunawa da shugaban kwadago daga cikin ma’aikatan, domin shawo kan matsalar, amma aka tashi ba tare da cim ma daidaito ba.

Daga baya ministan ya sake kira wani zama da su, nan ma haka ba ta cim ma ruwa ba.