MADALLA DA BLOOM

BASHIR YAHUZA MALUMFASHI (+2348065576011) na daya daga cikin mahalarta kwas din Manhajar Bloom. Ya rubuta wannan waka, wacce ya gabatar a ranar Jumu’ar da ta gabata a yayin bikin rufe kwas din a hotel din Chelsea, Abuja. Wakar, kamar yadda ya bayyana, sadaukarwa ce ga Mr. Paul S. Frank da Madam Lily Nyariki da kuma […]

BASHIR YAHUZA MALUMFASHI (+2348065576011) na daya daga cikin mahalarta kwas din Manhajar Bloom. Ya rubuta wannan waka, wacce ya gabatar a ranar Jumu’ar da ta gabata a yayin bikin rufe kwas din a hotel din Chelsea, Abuja. Wakar, kamar yadda ya bayyana, sadaukarwa ce ga Mr. Paul S. Frank da Madam Lily Nyariki da kuma dukkan mahalarta kwas din.

 

1

Godiya nake ga Jallah

Babban gwani mai adala

Sarkin Muhammadu mai Risala

Bautarka ba za ni zam bari ba.

 

2

Yau ga mu mun daura daga

Neman ilimi ganga-ganga

Don fadakarwa babu banga

ADEA ba za ta gundura ba.

3

Wannan training ya tara manya

Croshella-USAID ta kama hanya

Paul S. Frank ya kori tsanya

Da yardar Allah aikinmu ba zai gaza ba.

 

4

Madam Lily jaruma daga Kenya.

Na yi tafi nai jinjina ga manya.

Roberts gwarzo ka kai ni Kenya

kwarewarku ba sai da tambaya ba.

 

5

Ga gwaraza nan za ni zana

Mrs. Chioma ta zo ta zauna

Claris Ujam sai kin yi gwamna

Denja Abdullahi ANA babba

 

6

Marubutanmu mata da maza

Khalid Imam sannunku maza

Isyaku Bala ba ka aikin banza

Fasaha, hikima ba za mu daina ba.

7

Bilkisu Yusuf mai zamani

AHA Aminatu mai matani

Ku yi rubutu gyaran zamani

Aiki kuke ba za ku gaza ba.

 

8

Kenneth Gibson mai rubutu

Anthonia Opara rubuta rututu

Olarike Adesanya ba ratatu

Gyaran al’umma ba kwa daina ba.

 

9

Ebans Mensah za ni Ghana

Kwadwo Osei zo nan mu gana

Bashir Yahuza yau za ni Ghana

Zumunci Eyo Aku ba ma gaza ba.

 

10

Wanga workshop mun kammala shi

Bloom Software manhajar armashi

Godiya ga Allah mun yi murmushi

Addu’ar sauka lafiya ba za mu fasa ba.