Madarar Hollandia Ebap ta kaddamar da sabon kamfe ga jama’a

Madarar Hollandia Ebap Milk da ke kan gaba a tsakanin nau’o’in madarar da ake sarrafawa ta kaddamar da kamfe din sababbin hanyoyin kasuwanci don  karfafa wa abokan hulda gwiwar su cimma nasarori a yau da kullum. Kamfe din na karfafa matsayin kamfanin madarar a matsayinsa na mai samar da cikakken abincin karin kumallo da cimaka […]

Madarar Hollandia Ebap Milk da ke kan gaba a tsakanin nau’o’in madarar da ake sarrafawa ta kaddamar da kamfe din sababbin hanyoyin kasuwanci don  karfafa wa abokan hulda gwiwar su cimma nasarori a yau da kullum.

Kamfe din na karfafa matsayin kamfanin madarar a matsayinsa na mai samar da cikakken abincin karin kumallo da cimaka da abin sha da suka kunshi garin alkama da masara da garin kunu da kofi da cakulet da sauran kayan abinci.

Kamfe din mai taken: “Fara Wuninka  Kai-tsaye da Hollandia Ebap,” yana zuwa ne a wani faifan bidiyo na uwa kuma fitacciyar jaruma, Mercy Johnson-Okojie da sauran iyaye mata. Fim din yana nuna abubuwan da suke yi a kowace safiya don shirya abin karin kumallo mai dadi hade da madarar Hollandia Ebap Milk don iyalansu, kuma yana nuna irin gamsuwar da suke samu daga zabar madarar Hollandia Ebap Milk don cimma burinsu na tabbatar da lafiyar iyalansu da abinci mai dadin dandano da kintsa su don tunkarar wannan wuni.

Mercy Johnson-Okojie kan tallata Hollandia Ebap Milk a matsayin madarar da ta take taimaka wa abokan hulda su fara wuninsu yadda ya kamata.

Kamfe din wanda za a rika sanyawa a gidajen rediyo da talabijin da jaridu da allunan talla da kuma kafofin labarai na Intanet yana girmama mata da ma’aurata da iyaye maza da mata da sauran masu kula da yara kan matakan da suke dauka na kula da iyalansu tare da yaba tunaninsu na cimma nasara kan dimbin abubuwan da suke gabansu.

Da yake jawabi wajen kaddamar da sabon kamfe din Manajan Daraktan Kamfanin Chi Limited, Mista Deepanjan Roy, ya ce “Sabon kamfe din Hollandia Ebap Milk ya shafi manufar kamfanin na karfafa wa abokan hulda su yi zabi nagari don rayuwa cikin koshin lafiya da jin dadi a yau da kullum. Muna so sakonmu ya dace da bukatar abokan hulda wadanda suke shirye su yi amfani da madara mai kayan gina jiki da dadin dandano don karya kumallo ko sauran cimakarsu. Muna da yakinin sabuwar tallar za ta ba abokan hulda kwarin gwiwa su shirya wa samun nasara ta fara wuninsu da karyawa da Hollandia Ebap Milk.”