Mahaifiyar Dokta Bashir Aliyu Umar ta rasu
Marigayiyar dai ita ce mahaifiyar babban limamin masallacin Al-Furqan.
Dokta Bashir Aliyu. (Hoto: Shafin Dokta Bashir Umar Aliyu)
Allah Ya yi wa mahaifiyar fitaccen malamin addinin Islama a Jihar Kano, Dokta Bashir Aliyu Umar, wato Hajiya Khadija Harazumi, rasuwa.
Ta rasu da safiyar yau Talata a gidanta da ke Gwale Gudundi a cikin birnin Kano.
- FIFA ta dakatar da Rasha daga buga kofin duniya na 2022
- Yadda aka kama matashi da kullin Tabar Wiwi 39 a Kano
Daya daga cikin ’yan uwan malamin wanda ya tabbatar da rasuwar Hajiya Khadija ya ce za a gudanar ta sallar jana’izarta ne da misalin karfe 3:00 na yamma a Fadar Sarkin Kano da ke Kofar Kudu.
Marigayiyar dai daya ce daga cikin matan Dan Amar din Kano, Alhaji Aliyu Harazumi Umar.
Ta rasu ta bar ’ya’ya da jikoki da dama, cikinsu hard a Dokta Bashir, wanda kuma shi ne babban limamin masallacin Al-Furqan da ke Kano.