Mahaifiyar Gwamnan Jigawa ta rasu
Za a yi jana’izarta da misalin ƙarfe 4:30 na yammacin ranar Laraba.
Allah Ya yi wa mahaifiyar Gwamnan Jihar Jigawa, Malam Umar Namadi, Hajiya Maryam Namadi, rasuwa.
Ta rasu da safiyar ranar Laraba, 25 ga watan Disamba, 2024.
- Najeriya ba ta cikin ƙasashen da suka fi cin bashi a Afirka – IMF
- An horar da mutum 500 dabarun adana ruwa don inganta muhalli a Gombe
Labarin rasuwar, na cikin wata sanarwa da Babban Sakataren Yaɗa Labaran Gwamnan, Hamisu Mohammed Gumel, ya fitar a ranar Laraba.
A cewar sanarwar, za a yi jana’izarta da misalin ƙarfe 4:30 na yamma a garin Kafin Hausa.
Gwamnan, da iyalansa sun buƙaci ɗaukacin Musulmi da su yi mata addu’ar samun rahama daga Allah.