Maharba sun kama mutum 4 da ake zargi da garkuwa da mutane a Taraba

Maharba sun kama wasu mutum hudu da ake zargi da satar mutane a Jihar Taraba.

Maharba sun kama wasu mutum hudu da ake zargi da satar mutane a Jihar Taraba.

Shugaban kungiyar maharba a Jihar, Dantala Adamu, ya shaida wa Aminiya cewa sun kama mutunen hudu a wani tsauni da ke kan iyakar Kananan Hukumomin Bali da Ardo-Kola a daren Juma’a.

• Yadda garkuwa da mutane ta bunkasa a wata biyar
• Ina addu’ar kada Allah Ya ba ni abin da mutane ba za su amfana ba — Alhaji Aminu Dantata

Ya ce wadanda suka kama din na cikin gungun ‘yan taaddan da suke sace jama’a a kauyuka da ke Kananan Hukumomin.

Ya ce wadanda suka kama sun bayyana cewa suna da hannu a cikin ayyukan ta’addanci tare da sace mutane .

Daya daga cikin wadanda aka kama mai suna Kwamanda, ya shaida wa wakilinmu cewa shi ne shugaba a cikin dabar masu sace mutane kuma yana da yara shida wadanda yake amfani da su wajen sace mutanen.

Kwamanda ya ce shi dan asalin Karamar Hukumar Ningi ne da ke Jihar Bauchi, kuma ya sace mutane da dama saannan ya karbi miliyoyin kudade daga hannun ‘yan uwansu.

Ya ce wani mutum daga anguwan Baba Yau a cikin garin Jalingo, babban birnin Jihar, wanda sya ce shi ne yake kawo masu bindigogi da albarusai.

Maharban dai sun mika wadanda suka kama a fadar Sarkin Jalingo domin kafa shaida kafin a mika su ga jami’an yansanda