Majalisa ta amince da naɗin Oluyede a matsayin Hafsan Sojin Ƙasa

Majalisar Dattawa, ta amince da naɗin Laftana Janar Olufemi Oluyede a matsayin Babban Hafsan Sojin Ƙasa.

Majalisar Dattawa, ta amince da naɗin Laftana Janar Olufemi Oluyede a matsayin Babban Hafsan Sojin Ƙasa.

Wannan na zuwa ne biyo bayan nazarin rahoton kwamitin majalisar mai kula da harkokin rundunar sojin ƙasa, wanda Sanata Abdulaziz Musa Yar’adua ke jagoranta.

• Gobara ta ƙone kasuwa a Kwara
• An samu rabuwar kai kan ƙudirin gyaran dokar haraji a majalisa

Majalisar ta ce naɗin Oluyede ya yi daidai da sashe na 217 da ƙaramin sashe na 2 na kundin tsarin mulkin Tarayyar Najeriya na shekarar 1999 (wanda aka yi wa kwaskwarima).

Majalisar ta amince da murya ɗaya shawarwarin da kwamitin ya bayar a rahoton.

Shugaba Tinubu ne ya naɗa Laftana Janar Oluyede, a matsayin mai riƙon muƙamin shugaban rundunar sojin ƙasa sakamakon rasuwar, Laftana Janar Taoreed Abiodun Lagbaja.

Bayan haka, ta tabbatar da Oluyede a matsayin wanda zai maye gurbin Lagbaja.