Masu gadi 3 sun shiga hannu kan aikata fyade
Taron dangi suka yi waje yi wa wadda lamarin ya shafa fyade.
Wasu masu gadi uku da suka hada kai wajen yi wa wata burduwa fyade sun fada a komar ‘yan sanda a Jihar Oyo.
Mai magana da yawun ’yan sandan jihar, Adewale Osifeso, ya ce masu gadin na daga cikin mutum taran da aka kama da aikata laifuka daban-daban.
Da yake yi wa ’yan jarida karin haske a Ibadan, babban birnin jihar, Osifeso ya ce, “sai da suka karbe wa yarinyar wayarta sannan suka tsare ta a wani kebabben wuri har zuwa misalin karfe 1 na dare.
“Su ukun kowannesu ya yi lalata da yarinyar, sannan suka tilasta mata tura kudi (ta waya) zuwa wani asusun banki kafin suka tafi suka bar ta a wurin.
“Yayin bincike wadanda abin ya shafa sun yi na’am da zargin, kuma an kwace bindigar da suka ritsa budurwar da ita wajen aikata laifin da wayar da suka kwace a hannun ta,” in ji shi.
Daga cikin masu laifin da aka yi wa ‘yan jarida holensu har da wadanda suka aikata fashi da makami da garkuwa da fyade da sauransu.