Mataimakin Editan Aminiya ya lashe kyautar Rikon Amana na Media Trust

An karrama Isiyaku Muhammed Bikin Karrama Gwarazan Ma’aikata da Wadanda Suka Jima Suna Aiki na Shekarar 2023 da aka gudanar a babban ofishin kamfanin da ke Abuja a daren Laraba.

Mataimakin Editan Jaridar Aminiya, Isiyaku Muhammed, ya lashe kambum Ma’aikacin Mafi Rikon Amana na shekarar 2023 na Kamfanin Media Trust, masu Daily Trust, Aminiya, Trust TV da kuma Trust Radio.

An karrama Isiyaku Muhammed ne a Bikin Karrama Gwarazan Ma’aikata da Wadanda Suka Jima Suna Aiki na Shekarar 2023 da aka gudanar a babban ofishin kamfanin da ke Abuja a daren Laraba.

“Gaskiya abin ya zo min ba-zata, don haka labarin zucia a tambayi fuska,” in ji Isiyaku, jim kadan bayan karbar kambin karramawar da shugaban kamfanin, ya mika masa.

An karrama shi ne are da Hassana Alfa wadda ita ma ta samu irin wannan kambu a matsayin Ma’aikaciya Mai Rikon Amana na 2023 na kamfanin.

• Zaben Kano: Yau Kotun Koli za ta saurari shari’ar Abba da Gawuna
• Taurarin Zamani: Baban Sumayya A ‘Labarina’

Hassana Alfa ta ce, “Na yi farin ciki kwarai da gaske kuma ina godiya ga Allah da duk wanda suka taimaka mini har na kai ga wannan matsayi da aka karrama ni.”

An zabi Isiyaku Muhammad da Hassana  matsayin Ma’aikata MasuRikon Amana na 2023 ne tare da wasu hazikan ma’aikata da rukunin kamfanin a bangaren kwazon wajen aiki, kirkira da kuma kwasominsu da suka fi yin huldar kasuwanci mafi tsoda da kamfanin a shekarar.

A saboda haka, kamfanin ya daga darajarsu da sauran takwarorin nasu zuwa matakin albashi na gaba, da kayutar makudan kudade da kuma takardar shaidar karramawa daga Shugaban Rukunin Kamfani, Malam Kabiru Yusuf.

Editan Daily Trust Bangaren Intanet, Taiwo George, shi ne ya lashe kyuatar Ma’aikaci mafi Hazaka na 2023 sai Sagir Ibrahim na Trust TV  da aka ba wa Kambun Ma’aikaci Mai Kirkira.

A bangaren Trust TV dai, Ayuba Iliya ne ya lashe kyautar rikon Amana tare da takwarsansa,  Mista Adeniyi.

Kamfanin ya kuma karrama ma’aikatansa da suka shekara 20 da masu 15 da kuma 10 suna aiki da shi da kyaututtukan kudi da kuma takardar shaidar yabo bisa gudummawar da suka bayar ga ci gaban kamfanin.

Gwamnatin Jihar Borno, ita ce ta lashe kambun kwastoma mafi karfin huldar cinikayya da kamfanin daga bangaren hukumomin gwamnati, sai bankin Zenith a bangaren kamfanonin masu zaman kansu.