…’Matasa na samun rufin asiri a harkar’

 

 

Yaya sunan ka?

Sunana Adamu Yahaya. Shekaruna 30.

Shekararka nawa tare da Hajiya Hadiza?

Na yi shekaru wajen goma sha uku da wannan harkar.

 

Wane irin aiki kake tayat a?

Ina wanke wa kostomomin da suke sayen kifi a wajenta. Ina wanke kifin da toka sannan na yankasu daidai yadda mutum ke so.

 

Kamar nawa kake samu a rana idan ka yi sa’a?

Idan ban samu ba, nakan samu Naira dubu biyu zuwa daya a rana. Idan na yi nasara sosai, nakan samu fiye da dubu takwas a rana. Idan an kawo mana manyan kifi.

 

Nasarori

Na yi niyan yin aure a wannan harkar amma Allah bai yi ba. Saboda a wannan lokacin na sanya rayuwana a cikin wani hali na shaye-shaye, amma Allah Ya sauwake mini, domin komai akwai ranar barinsa. A cikin ‘yan uwana da muke tare da su a cikin wannan harkar  kuma wadanda suka zo a bayana akalla mutum biyar sun yi aure ta wannan harkar. Ni ban yi ba ne saboda shaye-shaye da na sa a gaba na.

 

Me za ka iya cewa ga irin taimakon da Hajiya Hadiza ta maka?

Babu abin da zan iya cewa sai dai godiya, saboda sai ta kawo kifi sannan muke samu idan kuma ba su kawo ba, ba za mu samu wannan hanyar cin abinci ba. Ina fatan Allah Ya kara mata tausayi a ranta na taimaka wa wadansu iri na.

 

Shawara ga matasa masu shaye-shaye

Shaye-shaye ba abin yi ba ne domin nima na yi sa. A lokacin da nake shaye-shaye, ko yana ganin bazan taba shiryuwa ba. Da ikon Allah idan lokacin Sallah ya yi ko na miliyan nawa ne, zan bari in je nayi sallah kafin na cigaba da aiki. Ina kira ga matasa irina kamar yadda Allah Ya shirya ni, suma Allah Ya shirye su, kuma ya kawo musu sauki.