Matashi ya mutu ana cikin tafiya a motar haya
Dan shekara 29 ya yanke jiki a fadi a mace suna tsaka da tafiya a motar haya
Wani matashi dan shekara 29 ya yanke jiki a fadi a mace a lokacin da suke tsaka da tafiya a cikin motar haya a Jihar Ogun.
Matashin mai suna Anuoluwapo Aderemi, ya rasu a cikin bas din ne cikin dare, a lokacin da suka tsaya shan mai a wani gidan mai a yankin Itori.
Rundunar ’yan sanda da ke Jihar Ogun ta ce ya rasu ne hanyarsu ta zuwa Ibadan, babban birnin jihar Oyo, daga Papalanto a Karamar Hukumar Ewekoro.
Kakakin rundunar, Odutola Omolola, ta ce direban motar ne ya sanar da su game da rasuwar matashin a cikin bas dinsa mai dauke da fasinjoji daga Papalanto.
- Boko Haram na sace ɗanyen abinci a gonaki —Ndume
- Auren Jinsi: Majalisa na neman a gaggauta binciken Sheikh Gadon Ƙaya
- Ƙarin Kuɗin Fetur: Tsadar Kayayyaki Na Iya Ƙaruwa —MAN
“A lokacin da direban yake shan mai da misalin karfe 7:00 na dare ne fasinjoji suka sanar da shi cewa matashin ya fita daga hayyacinsa daga karshe rai ya yi halinsa.