Matsahi ya kashe abokinsa saboda na’urar jin sauti a Kano

An gurfanar da wani matashi a Kano bisa zargin kashe abokinsa saboda na’urar jin sauti

An gurfanar da wani matashi a kotu a Kano bisa zargin kashe abokinsa saboda naurar sauraren sauti ta Bluetooth.

Ana zargin matashin ya caka wa abokin nasa mai suna Abdulazeez Aliyu, wuka a ciki ne, lamarin da ya yi sanadiyyar mutuwarsa.

Takardar karar ta bayyana cewa tun da farko wata sa-in-sa ce ta shiga tsakanin abokan biyu a kan abin saurare na wayar hannu (Bluetooth).

Sai dai wanda ake zargin ya musanta laifin da ake tuhumar sa da aikatawa na kisa wanda, ya saba da sashe na 221 a Kundin sharia na Pinal Kod.

• Ana zargin mata da miji da yi wa matashi kisan gilla a Kano
• An gano asusun banki 593 da Emefiele ya boye kudade a kasashen waje

Alkalin kotun, Mai Shari’a Binta Ibrahim Galadanchi, ta Kotun Majistare Mai Lamba 19 da ke zamanta a Nomanslan ta bayar da umarnin tsare wanda ake zargin a gidan yari.

Daga nan ta dage sauraren shari’ar zuwa ranar 17 ga watan Janairu, 2023.