Miji da mata sun ‘kashe’ wani mutum a kasuwa

Ma’urata sun yi ajalin abokin fadansu a kasuwa

Wata mata da miji sun shiga hannun hukuma kan zargin kashe wani wanda suka yi fada da shi a kasuwa.

Rundunar ’Yan Sandan Jihar Ogun ta damke wannan mata da miji ne bayan mutuwar abokin fadan nasu mai suna Mista Mark Kalu.

A safiyar Lahadi ne kakakin rundunar, SP Omolola Odutola, ta sanar a Abeokuta cewa Mista Kalu wanda ya samu raunuka a sassan jikinsa a yayin fada da ma’auratan ya mutu.

SP Odutola ta ce, “Rikicin Mista Kalu da ma’auratan a kasuwa ya yi sanadiyyar rasuwarsa.

• An cafke fasto kan yi wa karamar yarinya fyade
• ’Yan bindiga sun kashe dan uwan amarya, sun sace mahalarta biki a Kaduna
• ’Yan Sanda Sun Kira Rikakkun ’Yan Daba 52 Sulhu a Kano

“Babaloja na Osiele da kuma shugabannin kabilar Igbo sun yi kokarin ganin an sasanta lamarin cikin ruwan sanyi.

“Amma dai yanzu wadanda ake zargin suna hannun ’yan sanda ana gudanar da bincike.”