Mota ta kashe dan acaba da fasinjansa a hanyar Legas

Wata mota kirar Honda da ke gudun wuce sa’a ta murkushe wani dan acaba da fasinjansa a babban titin Legas zuwa Ibadan. Kakakin Hukumar Kiyaye Hadura ta Kasa (FRSC) reshen jihar Ogun, Florence Okpe, ya ce hatsarin ya auku ne da misalin karfe 10:55 na safiyar Lahadi, kuma dan acaban da fasinjan duk sun mutu. […]

Wata mota kirar Honda da ke gudun wuce sa’a ta murkushe wani dan acaba da fasinjansa a babban titin Legas zuwa Ibadan.

Kakakin Hukumar Kiyaye Hadura ta Kasa (FRSC) reshen jihar Ogun, Florence Okpe, ya ce hatsarin ya auku ne da misalin karfe 10:55 na safiyar Lahadi, kuma dan acaban da fasinjan duk sun mutu.

• An tsinci gawar yaro mai shekara 11 a rataye a Abuja
• Gadar Kano zuwa Bauchi da ta shekara a karye ta zama tarkon mutuwa

Okpe ya ce hatsarin ya ritsa da mutane uku ne, inda biyu daga ciki suka mutu, dayan kuma ya tsira babu rauni ko daya.

“Tukin ganganci ne ya sa motar kin tsayawa har sai da ta yi wannan barnar, kuma a yanzu dai mun mika gawarwakin mutane biyu zuwa dakin adana gawarwaki na asibitin Idera da ke Sagamu,” inji shi.

Okpe ya ce Kwamandan Hukumar Ahmed Umar ya gargadi masu motoci kan gudun wuce sa’a a tituna, tare da mika ta’aziyyarsa ga iyalan mamatan.