Mu Sha Dariya: Hirar kwarto
Ke tawa, me ya sa kike cin zarafinsa haka?
Mu sha dariya
Wata rana wani kwarto ne ya bi tsohuwar budurwarsa gidan mijinta, sai ya yi kicibus da maigidanta, nana fa a ka fara zaro zance ana habaici duk a tunaninsu mijin ba zai fahimta.
Kwarton da tsohuwar budurwarsa sun rika yi wa juna baa da jefa batun bukatarsu a fakaice.
Ga yadda suka kasance a tsakaninsu:
Kwarto: Assalamu alaikum.
Miji: Amin wa’alaikumussalam, sannu da zuwa, zauna mana.
Kwarto: To amma me ya sa matarka take hararata?”
Matar: Harararka kamar yaya? Gafara can da fuskarka kamar je-kadawo-an jima.
Kwarto: Ji min mata! Gafara can da kafarki kamar ba zan dawo ba, sai dai ki same ni a gida.
Miji: Ke tawa, me ya sa kike cin zarafinsa haka?
Matar: Dole in ci zarafinsa, da hancinsa kamar zan zo gobe da safe karfe bakwai.
Kwarto: Ni ba zan kara yi miki magana ba, da bakinki kamar kada ki makara.
Miji: Malam gara mu je waje mu yi hira, mu bar mata gidan da wannan fadan naku kamar gobe za ku ci ubanku!
Daga Mustapha Bashir Yahuza Malumfashi, 07065635644