Mutum 994 ne suka rasu a hadura a Abuja a 2020 —FRSC

Sai dai hukumar ta ce an samu ragin wanda suka mutum, idan aka kwatanta da shekarar 2019.

Babban Kwamandan Hukumar Kiyaye Hadura (FRSC), reshen Birnin Tarayya, Gora Wobin, ya ce mutane 994 sun rasu a hadura daban-daban a 2020.

Wobin ya bayyana hakan ne yayin tattaunawarsa da Kamfanin Dillacin Labarai NAN, a ranar Litinin.

• An cafke ‘yan Kano masu sayar da hotunan mata na batsa
• Sojoji sun yi juyin mulki a Myanmar, sun tsare Aung San Suu Kyi
• Najeriya ta rasa kwararren matukin jirgin ruwa a hadarin mota

“Idan aka duba yawan haduran da aka samu a 2020 da 2019, za a ga a 2020 ya sauka da kashi 14%.

“Daga cikin mutune 4,532 da suka yi hadari a 2020 mutane 201 ne suka rasu, a 2019 kuma mutane 248 ne suka rasu, an samu ragin kashi 18%.

“Mutum 1,728 kuma ne suka ji rauni a 2020, sabanin 2019 inda aka samu mutum 2,385.

“Mutane 2, 603 sun tsirage a haduran na 2020, yayin da a 2019 kuma 3,375 suka tsallake rijiya da baya,” cewar Wobin.

Ya bayyana cewa abubuwan da ke kawo hadura a Abuja sun hada da gudun da ya saba ka’ida, daukar kaya fiye da kima da sauransu.