Na fi damuwa da matsalar tsaro da tattalin arziki kan zaben 2019-Buhari
Shugaba Muhammadu Buhari ya ce duk da kusantowar lokacin zabe nan da shekara daya babban abin da ya fi baiwa muhimmanci shi ne tsaro da tattalin arzikin kasar. Buhari ya bayyana haka a taron sada zumunci da Firayi Ministan Birtaniya Theresa May a Landan a jiya. Mai Magana Da Yawunsa, Mista Femi Adesina […]
Shugaba Muhammadu Buhari ya ce duk da kusantowar lokacin zabe nan da shekara daya babban abin da ya fi baiwa muhimmanci shi ne tsaro da tattalin arzikin kasar.
Buhari ya bayyana haka a taron sada zumunci da Firayi Ministan Birtaniya Theresa May a Landan a jiya.
Mai Magana Da Yawunsa, Mista Femi Adesina ya ruwaito shugaban kasar yana cewa “Muna da zabe shekara mai zuwa kuma tuni ’yan siyasa suka shagala da al’amuran zabe amma ni na fi damuwa da tsaro da tattalin arziki”.
“Mun yi kamfe kan abubuwa uku samar da tsaro da farfado da tattalin arziki da kuma yaki da cin hanci”. Inji shi.
Ya bayyana cewa shugaban kasar ya ce Najeriya da kasar Birtaniya na da tarihin hadin gwiwa kan batutuwa da dama.