Na tuna da Farfesa Salisu Yakasai

Editan Aminiya ka ba ni dama in tunatar da al’umma kan muhimmancin neman ilimi, a kowane fanni na rayuwa. Don na kan tuna da Farfesa Salisu Yakasai, Allah (SWA) ya saka maka da alheri. Amin. A duk lokacin da za ka yi magasna kan batun koyo ka kan tuna labarin  Anthony Robbins, mutumin da a […]

Editan Aminiya ka ba ni dama in tunatar da al’umma kan muhimmancin neman ilimi, a kowane fanni na rayuwa. Don na kan tuna da Farfesa Salisu Yakasai, Allah (SWA) ya saka maka da alheri. Amin. A duk lokacin da za ka yi magasna kan batun koyo ka kan tuna labarin  Anthony Robbins, mutumin da a lokacin yana dalibi ya karanta littattafai 700. Shi ma ke nan. Kai! To yaya mutum baligi mai hankali zai yi, wanda sakon Musulunci ya same shi, littafai nawa za ka karanta bayan Alkur’ani? Daga Auwali Sani Potiskum, Jihar Yobe. 08104612945.

A daina shan kwaya
Assalamu alaikum. Sako zuwa ga matasa’yan uwana don Allah ku daina shaye-shayen kwayoyi da kuke yi, tare da daukacin ayyukan fasadi da suka baibaye duniya. Allah Ya shiryar da mu, ya dor amu a kan tafarki madaidaici. Amin. Daga Umar Sani Abdullahi Malumfashi 08160197054.
Ga MTN
Edita a gaya wa MTN sun yi alkawarin sun daina daukar min kudi, bisa ka’ida. Ni ma na janye yajin da na yin a kwana 100. Daga Aliyu Abubakar Harbo 07067156100.
Ga makarantan Aminiya
Edita Garba Madaki ne Shugaban kungiyar makarantan Aminiya reshen Jihar Kano, kuma Alasan Ala ne Sakatarenmu. Daga Alasan Ala Gama 08055023966.
Ga Dokta Fatima Shema
Edita ka yi mana mana godiya ga baiwar Allah, uwar marayu, Dokta Fatima Shema, don ta kawo mana magani da kayan aiki a asibitin yara da amta da ke Bakori garin albarka. Allah saka da alheri, ked a maigida. Allah sa ku fi haka. Daga Amiru Isa Bakori 08075959086.
Ga Aminiya
Gaisuwa ga ma’aikatan Aminiya Don Allah ku sanya ni a cikin masoyanku. Ina jin dadin karanta jaridarku. Daga H. Aisha Mu’azu Mamman Sayyid Gusau 07069005199.
Muna nan a APC
Salam. Ina jadadda wa ’yan Najeriya cewa muna nan a APC, amma ba ma Kwankwasiya, domin ba jam’iyya ba ce. Daga Abubakar Umar Kofa 08065746051.
Ga APC
Jam’iyyar APC ku shirya karbar mulki da izinin Allah. Daga Sani Abdu Beta 07068223015.
Tuni ga manyan Arewa
Assalamu alaikuma. Editan Aminiya, ina so ka isar min da sakona zuwa ga manyan Arewa cewa su lura da abin da yake faruwa a Arewacin Najeriya, musamma ma a jihohin Barno da Yobe, kuma kada su manta da wasikar Obasanjo; su nema mana mafita a Arewa. Daga Muhammad Sani Zubairu, Wukari, Jihar Taraba. 08076974756.
Matsalar Najeriya
Matsalar Najeriya, ba matsala ba ce ta shugabanni su kadai, har da mabiyansu. Saboda kowa ya samu rana zai yi shanya. Daga Nasiru Zangon Daura, Marubucin Litattafai. 08137153938.
Mu sai PDP
Salam. Edita wai me ya sa idan mutum ya ce yana son PDP. Sai a ce ba ya kishin Arewa ko Musulunci? Ga shi kuma gwamnoni guda 12 na Arewa duk na PDP ne, kuma guda 10 duk Musulmi ne. To mu sai PDP. Daga Isyaku Captain Kofa, Masoyin Sardaunan Kano, M. Ibrahim Shekarau. 08067226769.
Jinjina ga dan Musa
dan Majidadin Kano, Hakimin Madobi, tsohon zababbe a tsarin mulki,  tsohon Mataimakin Shugaban Majalisar Tarayya,   Gwamnan Jihar Kano,  tsohon Ministan tsaro,  tsohon Jakadan zaman lafiya a Darfur da Somaliya, tsohon Mamba a Neja-Delta,  shugaban kasa mai jiran gado idan Allah Ya yarda, Gwamna Kwankwaso ke nan. Kwankwaso sarkin aiki, jagora abin koyi, kuma dan kishin Jihar Kano da kasa baki daya.  Muna kira da Gwamna Kwankwaso ya bar wa Ahmad Garba Bichi mai kishin Kanawa.  Daga masoyin Kwankwaso Mai Allah Mai jama’a, ko ba ka son Kwankwaso ai ka so Kano.
 Muhammad S Tarauni, Kano, 08059718000
Ta’aziyyar daliban Yobe
Salam ina mika ta’aziyata ga iyayen yaran da aka kashe a Yadin Buni . Da fatan Allah Ya saka musu. Daga Zakiru Abubakar Jataka, Kano 08101534228.
Ta’aziyya ga Sarkin Birnin Gwari
Edita ka mika ta’aziyyata ga Mai martaba Sarkin Birnin Gwari, Dattijo, Uba, Malam Zubairu Jibril Mai Gwari na II, bisa rasuwar dansa, Malam Shehu AbdulKadir Jibril da fatan Allah (SWT) ya jikansa yafe masa zunubansa, ya bai wa Mai martaba ladan jinya da hakuri. Allah Ya kara wa Mai martaba lafiya. Amin.Daga Auwalu Sani Potiskum. Jihar Yobe 08104612945.
Ga masu kishin APC
Editan Aminiya ka ba ni da in yi kira Malam Musa O. Wakaso tare da sauran masu kishin jam’iyyar APC, kan lallai su kara kaimi wajen kutsa kai cikin kauyuka da birane, don wayar wa al’umma kai. Su kuma bullo da dabarun da za su bai wa al’umma karsashin kishin kasa ba tare da bambancin addini ko kabila ba. Lallai mun gamsu da ayyukan wannan kungiya, wadda ta nuna mana kishin kasa ne gaba da kishin jam’iyya. Daga Ibrahim Mai Shayi, Jihar Katsina 08054455268.
APC maganin barayin shanu
Edita ka ba mu dama mu roki Jam’iyyar APC, idan ta karbi mulki a Jihar Katsina, ta yi mana maganin masu satar shanu suna kashe Fulani. Domin wannan matsalar tun daga Safana har zuwa Mararrabar kankara, kai har dandume ana fama da ita. Kuma Gwamnatin Shema ta kasa komai a kai. Muna jiran APC. Mu sha APc maganin barayin shanu. Daga dan Madamin Kokon Turawa, Runka.
Hattara dai APC
To ’yan uwana, ’yan Najeriya ba jam’iyyar PDP ba ce kadai ke da miyagun shugabanni, ko’ina da akwai su, idan ka tashi ka duba yanzu su wa ye  jiga-jigan APC hm! Kukan kurciya jawabi ne mai hankali ke ganewa. Daga Abba Guddi Safana 08068495605.
Ga masu sauyin sheka
Edita a isar min ga sanatoci da wakilai masu nufin sauya sheka, yaya muka ji shiru; ko an saye su ne? Daga Sani Abdu Beta 08178112034
A yi wa Edita uzuri
Edita kana kokari, amma wasu ba su gnain haka. Kai kadai ne, mu kuwa masu aiko da sako muna da yawa, ya zama dole mu yi maka uzuri. Kai na kowa ne. Allah Ya kara maka hakuri. Daga Yakubu Adamu Rikkos, Jos, Jihar Filato 07063695888.
Kai namu ne Tata
Salaml. Tata mun gode wa Tata saboda tallafa wa da ya yi wa al’umma a Jihar Katsina. Ya taimaka wa talakawa da marasa aikin yi da gajiyayyu. Bissalam. Wassalam. Daga AbdulMumini bin Hashim bin Sambo bin Abubakar (Abu M.O.H.D.) 08130176360.
Sadakatul Jariya
Edita don girman Allah ka ba ni fili in yi cigiyar wani bawan Allah, mai kaunar Annabi Muhamamd (SAW) ya zagaye mana makabarta a karamar Hukumar Garko, sakamakon huda kabari da awaki da tumaki da shanu da rakuma suke yi, idan sun bi ta cikinta. Mun sanar da ’yan siyasa, amma abin yaki samuwa. Allah Ya sa mu dace. Daga Ali Fancy Garko A. Kano 08096694873.