Nitson ninkayar nauyaya niyya (2)

Shekara ta dubu karamin lauje da karamin lauje da zagaye ta shigo, har an fara kidayar kirge-kirgen karkare kididdigar kawame kai-kawon kwanaki da muku-mukun mirginowar makonni da wulkice-wulkicen waigowar watanni, tun daga Janjanin jerangiyar jaye-jayen Janye-wuri har zuwa  dogewar dagar dashe-dashen dosar Dashen-Baba, wato dai har a kai ga cikamakon cika-ciki cif-cif da zarar an […]

Shekara ta dubu karamin lauje da karamin lauje da zagaye ta shigo, har an fara kidayar kirge-kirgen karkare kididdigar kawame kai-kawon kwanaki da muku-mukun mirginowar makonni da wulkice-wulkicen waigowar watanni, tun daga Janjanin jerangiyar jaye-jayen Janye-wuri har zuwa  dogewar dagar dashe-dashen dosar Dashen-Baba, wato dai har a kai ga cikamakon cika-ciki cif-cif da zarar an shekare. Kuma a shafukan tukin tuwon titi da shafukan fuskantar-bokoko da watso-zuffa ana ta ce-ce-ku-ce kan irin wainar waiwaye-waiwayen wassafa ta’adar tandar toye-toyen turka-turkar tauye talakawa da za a tsuwurwurta a sabon salon sulalewar sulallan shesshekar shakuwar shekarar shakara, musamman ma a wajen wadanda suke ta ikrarin har yanzu ba su gani a kasa ba, duk da cewa Gwamnatin Baban-burin-huriyya ta yi alwashin cika alkawuran da ta yi wa al’umma kafin a karkare sabuwar shekara.

Lallai a babin bibibiyar bayanan sha’anin shuke-shuken shekara sai a yi ta kai-kawo kan yadda a shekara ta dubu karamin lauje da laujen zagaye in gari ya waye za a rinka waiwaye don gudun ka da shagabanni su ga an yi musu tawaye, su kuma sha gabzar giringidimin gigiwar gwamuwar gwankin giwaye. Yin hakan kuwa na iya aukuwa ne, saboda balbalin bala’in bulaliyar buyagin bugun Baballiya da bambamin balbelun benun bini-binin bibiyar bangar babakeren bankiyar burgar barankadamar bankaurar bagararwar Bulgeriya.

Ga yawan tattaunawar tankiya tufkar turken tunkiyar tumbatsar torokon togaciyar tinkahon tarairayar tarayyar tulluwar tolatsewar tabarar turereniya, cike da tsandaurin tsaurin tsinin tsinkayen tsintsiyar tsiyatakun tsiwar tsiya-tsiyar tsananin tsamin tsamiyar tsaunin tsibirin tsunburburar tsimagiyar tsarin tsere tsaran tsukukun tsakiya.

Hakika a tsakankanin masu falle fuffuken tashi ana fama da zaman dirshen din kashe fatari, tare da kwaramniyar kwaran kwacan da kayan kwancan, karkashin juyayin jan-ragamar jaruman hatsaniyar hargowar harsuna

Mamungar Maman-bila mai makyastu mangala-mangalar wasan ’yar gala-gala a waskace-waskacen wujijjigar wuyar wahalar tsallen tsumbula ’yar tsala, ana fama da lulawar laulayin laftun lantarkin langabun lalala. Ko shi ma zai karke ne a irin shiriritar shirmen Shiroro shirim?!

An dai ga WALWALIN WALIYON MASHILLARAR WALKIYA, mai kyalli-kyallin kila-wa-kala na kyallara kyallin kulla-kullar kadondoniyar kakale kimanta kankanin kyallen kyasce-kyascen kundumbalar kararrawa kililin-kililin!

A dai yi mai yiwuwa, a daina shaci-fadi ko batun wane kai ka fadi da ka iya haifar wa jama’a radadi, a zo ana ta rade-radin taraddadin rudanin rudi. Matukar dai ba a yi wani tanadi ba, to a daina ki-fadi!

Kawai a dai ce, kowa ya sa yi aci-bal-bal a cikata da barahuni fal, inma fitilar kwaice ko cocila, sai a wanke kwanta sol, har ta yi ta haskakawa tar-tar tal, kuma ta yi ta walwali wal-wal;  a ma  yi ta kunna kyandir, tunda ana dari-darin dar-dar din damarar daurin digirgir, don tunkuda tafiyar take totur din taratsin tartsatsin turkaniya tur-tur

Abin bin bahasi a nan, shi ne, gwangwanin gwanintar gwamnatocin murnar murnai muraran, na iya munana mutuncin mutane, a wajen hakilon hukuncin hukumar hikayar hantarar habaici da ke barbaje bitar binciken bin-kadin bututun batutuwan bayanan baitocin sabuwar shekarar sabon salon shakarar sha’awar suburbudar sakwarar sadudar sada sakon sankiran shagabanin shu’umcin shuhurar shaharar shagulgulan shan gararumar garar shan kara a shirye-shiryen shirin dara da shiriritar shirmen shige-shigen kwadon kwarar shiga sharon sheke shanshera.

Masu kulafucin korafe-korafe sun kwakkwafe kan cewa, akwai babbar matsalar hauhawar harajin harin jajin hautsinin harde hanji, wajen hankoron hangame hujin buzuzun baza bujin kuncin kulluewar kirji, inda a karshe a kan karke da dawurwurin dumuiniyar dajin kakarin kyarkyarar kajin da ke kujewar kaujen kurji a kawazucin karar karajin kundumbalar kumewar kumaji.

Wane takun tudu, wane gare-garen gangare, muna ganin dai,  ya kamata al’umma ta rage korafi, musamman in an samu tallafi, don watakila a samu ragowar aikata laifi, sannan a ladabtar da masu nuna fin karfi, ta yadda masu falle fuffuken tashi za su samu damar yin ilimi mai zurfi.

Wajibi ne a sauya salon sauyi, ko don masu mulki su zamo abin koyi ga jama’arsu in har ba a mayar da su bayi ba, ta yadda in an rage musu kaikaiyi sai su tasirantu da sabon juyi.

Haurobiyawa dai na ci gaba da kokawa kan hauhawar haraji da tsulin tsawwala tsada tsagwagwa, har ta kai ga gama-garin al’umma na gwaramar gwagwar guna-guni. Uwa-uba ga KAMFANIN KOFATON KAMFATAR KUDIN KIDAN KOKO da sauran nau’ukuna DISKON DUHUN DUNDUM-DURUN-DUM!

’Yan makarantar Dodorido mahaya Shorido, ai na san kuna iya bijiro da tambaya kan cewa, haka za a kai mu a baro, ko kuwa shigo-shigo ba zurfi za a yi ta zabga mana?

Amsar bin kadin balulluba bat a wuce dai, a yi gyara Baba, ko mun kwashi gara mu raba, in an daina haifar da gaba da giba, sai al’umma ta daina tababa, kuma kowa-da-kowa ya zo a yi ta haba-haba.

Babban burinmu dai, shi ne, mutane nagargaru ne abin la’akari

Ka da kuma a gindaya wani ba’ari, ta yadda kowa zai samu tattasai da tumatiri, har miya ta wadatu a cikin gari don a ka da ace baje gannan gani-ganin ganin komai sai hannun attajiri.

Ka da a bari a yi ta kididdigar kidayar kirgen kugin kunduge kamuya-muya. Abin dai da kamar wuya, wai Malam Mai yaren Hau-hau wajen hawan-sa ba tare da sa-in-sa ba, ya ce, ‘gungurawar gurguwar amaren auren nausawar nesa.”

Bisa la’akari da batutuwan da aka bijiro da su, ya zama wajibi a duk sa’adda Gwamnatin Haurobiya ta yi Nitson ninkayar nauyaya niyyar sussukar sukuwar suburbuda ayyukan shekara da kashe-kashen kashi-kashin kason kasafin kudinta, to sai a yi juriyar jimirin  jajircewa wajen natsuwar nitson ninkayar nannagar nauyayya nauyin niyyar nunin nuniyar nusarwar ni’imar nunar naman matukar mamakon mikiyar miya.