Obasanjo ga Jonathan: Yi amfani da Gidauniyarka don gyaran kurakurenka

Tsohon Shugaban kasa Cif Olusegun Obasanjo ya rubuta wa tsohon Shugaban kasa Goodluck Jonathan wasika, inda a cikinta yake shawartarsa da ya yi amfani da sabuwar gidauniyar da yake shirin kafawa wajen yi wa kansa hisabi da kuma dukufa don gyara kurakurensa na baya.Kamar yadda kafar yada labarai ta Premium Times ta ruwaito jiya Alhamis, […]

Tsohon Shugaban kasa Cif Olusegun Obasanjo ya rubuta wa tsohon Shugaban kasa Goodluck Jonathan wasika, inda a cikinta yake shawartarsa da ya yi amfani da sabuwar gidauniyar da yake shirin kafawa wajen yi wa kansa hisabi da kuma dukufa don gyara kurakurensa na baya.
Kamar yadda kafar yada labarai ta Premium Times ta ruwaito jiya Alhamis, Cif Obasanjo ya rubuta wasikan ne a matsayin martani ga wata wasikar da Mista Jonathan ya fara aika masa a ranar 22 ga wata Satumbar da ya gabata, inda a cikinta yake bayyana masa aniyyarsa ta kafa gidauniyar wadd=a ya ce za ta gudanar da aikace-aikacen ci gaban al’umma baki daya. “Zan sadaukar da karashen rayuwata da kuma ragowar karfina wajen inganta rayuwar al’umman duniya. A yanzu na kai matakan karshe na kammala shirye-shiryen kafa Gidauniyar Goodluck Jonathan. Domin haka nake neman goyon bayanka da kuma shawarwarinka,” inji Jonathan, kamar yadda ya bayyana a cikin wasikar.
Har ila yau, a martaninsa ga Jonathan, Obasanjo cewa ya yi: “Ina so na yi amfani da wannan damar don taya ka murna sakamakon yadda ka mika mulki ga Shugaban kasa Muhammadu Buhari cikin nasara.”
Daga nan sai ya ci gaba da cewa, “Ya zama wajibi na yaba maka kai kanka da kuma gidauniyarka saboda kyakkyawan fatan da kake da shi game da kasar nan. Ina ganin fatan da kake da shi na ciyar da kasar nan gaba da kuma duniya baki daya zai hada da yi wa kanka hisabi da kuma nuna nadamarka.”