PSG ta kulla yarjejeniya da tsohon kociyan Barcelona Luis Enrique
Enrique ya kulla yarjejeniyar shekaru biyu da PSG.
Kungiyar Kwallon Kafa ta PSG ta nada tsohon kocin Spain da Barcelona Luis Enrique a matsayin sabon mai horas da ‘yan wasanta.
Kocin mai shekaru 53 ya maye gurbin Christophe Galtier wanda kungiyar ta kora duk da cewa, ya lashe mata kofin gasar Lig 1 a cikin kaka daya tilo da ya jagoranci kungiyar.
- Take hakkin kananan yara na karuwa a duniya — MDD
- Gwamanan Sokoto ya yi tarar makara a Gidan Gwamnati
Kafofin watsa labaran wasanni sun ruwaito cewa Enrique ya kulla yarjejeniyar shekaru biyu da PSG.
A karon farko ke nan da Enrique ke aikin horaswa tun bayan da ya raba gari da tawagar Spain a cikin watan Disamban bara bayan kasar ta sha kashi a hannun Morocco a bugun fenariti a gasar cin kofin duniya, matakin ‘yan 16.
Ya dai taka rawa a lokacin da yake horas da Barcelona, inda ya lashe mata kofuna tara a kakar wasanni uku tsakanin shekarar 2014 zuwa 2017 da suka hada da kofin gasar zakarun Turai da La Liga da Copa del Rey.