QATAR 2022: ‘FINAL’ Tsakanin Ajentina Da Faransa
Daga karfe 4:00 na yamma agogon Najeriya, yau Lahadi Aminiya za ta kawo muku rahotanni kai-tsaye daga Wasan Karshe na Gasar Cin Kofin Duniya na 2022 da ke gudana a kasar Qatar. Za a buga wasan karshen ne tsakanin tawagar kasashen Faransa da Ajentina a filin Wasa na Lusail Iconic mai daukar mutum 80,000, wanda […]
Qatar 2022
Daga karfe 4:00 na yamma agogon Najeriya, yau Lahadi Aminiya za ta kawo muku rahotanni kai-tsaye daga Wasan Karshe na Gasar Cin Kofin Duniya na 2022 da ke gudana a kasar Qatar.
Za a buga wasan karshen ne tsakanin tawagar kasashen Faransa da Ajentina a filin Wasa na Lusail Iconic mai daukar mutum 80,000, wanda kuma shi ne filin wasa mafi girma a kasar Qatar.
Kowanne daga manyan ’yan wasa da kuma kasashensu na neman kafa tarihi, bayan shafe mako hudu kasashe 32 suna fafatawa a wasanni 64 na gasar.
Gasar Qatar 2022 wadda ita ce karo na 22 a tsawon shekara 92 na tarihin gasar, ta zo da abubuwan ban mamaki kuma ita ce ta farko a yankin kasashen Larabawa.