Ranar 17 ga Ramadan aka yi Yakin Badar

Sunayen sahabban da suka yi shada a Yakin Badar.

A ranar 17 ga watan Ramadan, aka yi Yakin Badar Tsakanin Musulmi da kafiran Makkah a zamanin Manzon Allah (SAW).

Sahabban Manzon Allah 14 ne suka yi shahada a shahararren yakin, wanda aka gwabza tsakaninsu da kafiran Makkah a wani wuri da ake kira da suna Badar a kusa da Madina.

• Abubuwan da ba a sakaci da su a Ramadan —Sheikh Daurawa
• Shekara 68 da kafa Kungiyar Dalibai Musulmi ta Najeriya

Yakin Badar wanda shi ne na farko bayan Hijirar Musulmi zuwa Madina bayan kafirai sun uzzura musu a Makka, ya wakana ne a shekara ta biyu Bayan Hijira, shekara 1,441 da suka gabata.

ِA halin yanzu an yi allon sunayen Shahidan Yakin Badar a filin da aka gwabza yakin, a wajen garin Madina a kasar Saudiyya:

Sunayen Shahidan Yakin Badar

1. Umair bin Abi Wakkas
2. Safwan bin Wahb
3. Dhu-shamalain bn Abd Amr
4. Muhji’ bn Salih
5. Akil bn Albakir
6. Ubaidah bn Alharith
7. Sa’ad bn Khaithuma
8. Mubasshir bn Abdulmundhir
9. Haritha bn Suraka
10. Rafi’ bn Almu’alla
11. Umair bn Alhammam
12. Yazid bn Alharith
13. Mu’awwadh bn Alharith
14. Auf bn Alharith.