Hotuna: Rarara ya yi hatsarin mota
Shugaban kungiyar ’yan Kannywood na 13X13, Dauda Adamu Abdullahi (Rarara) ya yi hatsarin mota
Fitaccen mawakin siyasa kuma shugaban kungiyar ’yan Kannywood na 13X13, Dauda Adamu Abdullahi (Rarara) ya yi hatsarin mota.
Mai magana da yawun mawakin, Rabiu Garba Gaya ne ya sanar a safiyar Juma’a cewa Rarara ya yi hatsarin ne a hanyarsa ta zuwa filin jirgin sama, amma bai bayyana ko a ina ba ne.
- ’Yan ta’adda sun sace daliban Jami’ar Tarayya ta Gusau 35 a dakunan kwanansu
- Jama’ar gari sun kashe ’yan ta’adda 21 a Kebbi
A sanarwar da ya fitar ta shafinsa na Facebook, hadimin a Raraya ya dora hotunan yada motar mawakin ta fada a cikin wata katuwar lambatu da kuma yadda gaban motar ya yi kaca-kaca.
Sai dai ya bayyana cewa, duk da hatsarin, Raraya yana cikin koshin lafiya.
Ga hotunan hatsarin da hadimin nasa ya fitar:
