Sakamakon zaben PDP ya fara fitowa

Alkalai sun fara sanar da kuri’un da kowan dan takara ya samu

An kammala tantance kuri’un da aka jefa a zaben dan takarar shugaban kasa na PDP kuma tuni sakamako suka fara bayyana.

Da alama tsohon Mataimakin Shugaban Kasa, Atiku Abubakar da Gwamnan Ribas, Nyesom Wike ne ke kan gaba.

Tuni magoya bayan Atiku suka shiga daga fastocinsa na takarar shugaban kasa.

Alkaluman da alkalan zaben suka fara sanarwa sun nuna an samu kuri’a 12 da suka lalace, sai kuma ‘yan takara da suka samu kuri’u kamar haka.

1. Olivia Tariela – 1
2. Pius Anyim – 14
3. Bala Mohammed  – 20
4. Udom Emmanuel – 38
5. Bukola Saraki – 70
6. Nyesom Wike – 237
7. Atiku Abubakar – 371.